పాలకొండ శ్రీ కంచి కామాక్షి రాజలింగేశ్వర ఆలయంలో శివ లింగం

పాలకొండ శ్రీ కంచి కామాక్షి రాజలింగేశ్వర ఆలయంలో శివ లింగం 

పాలకొండ: పాలకొండ నగర పంచాయతీ నేల ట్యాంకు సమీపంలో కొలువైన శ్రీ రాజలింగేశ్వర స్వామి మరియు  కంచి కామాక్షి-  (కంచి కామాక్షమ్మ) ఆలయం భక్తులకు నిత్య ఆరాధ్య కేంద్రంగా వెలుగొందుతోంది. ఈ పవిత్ర క్షేత్రం సుమారు 135 సంవత్సరాల చరిత్ర కలిగి ఉండి, తనదైన విశిష్టతను చాటుకుంటోంది.

🌟 ఆలయ ఆవిర్భావ రహస్యం

ఈ ఆలయ నిర్మాణం వెనుక ఒక పవిత్రమైన కథ దాగి ఉంది. సుమారు 1887వ సంవత్సరంలో, పాలకొండ వాసులైన మహేశ్వరం రాజలింగాచారి మరియు అమృత లింగాచారి అనే భక్తులకు స్వయంగా శ్రీ శనారి విశ్వేశ్వర స్వామి కలలో కనిపించారు. తమకు విగ్రహాలు ప్రతిష్టించాలని స్వామి ఆదేశించడంతో, ఈ భక్తులు కాశీ నుండి బ్రహ్మ సూత్రం ఉన్న శివలింగాన్ని కామాక్షమ్మ అమ్మవారి విగ్రహాన్ని తీసుకువచ్చి భక్తి శ్రద్ధలతో ప్రతిష్టించారు.

☀️ సూర్య కిరణాల దివ్యాభిషేకం!

ఈ ఆలయాన్ని మరింత విశిష్టంగా నిలబెట్టే మరో అద్భుత ఘట్టం ఉంది. ప్రతిసంవత్సరం  మార్చిమొదలుకొని  అక్టోబర్ నెలవరకు, ఉదయాన సూర్య కిరణాలు ఆలయంలోకి నేరుగా ప్రసరించి, స్వామివారి శివలింగంపై అభిషేకం చేసినట్లుగా కనిపిస్తాయి. ప్రకృతి సిద్ధంగా జరిగే ఈ దివ్య దర్శనం భక్తులను పారవశ్యంలో ముంచెత్తుతుంది.

భక్తుల విశ్వాసం: "ఈ సమయంలో స్వామివారిని దర్శించుకుంటే సకల సౌభాగ్యాలు, ఆయురారోగ్యాలు, ఐశ్వర్యం లభిస్తాయని, అంతిమంగా ముక్తి కూడా సిద్ధిస్తుందని భక్తులు ప్రగాఢంగా నమ్ముతారు."